Makatnum uunt juez chichaman umpuar fiscalía seammiajai, yamai sukunum jueves 26 de enero suntar utuawar tuntui la voz de arutam, estado de excepción decretajasma pujamunam tsawant juka 14 de diciembre del 2016 tuke weamunam, Juu takat jukimiuka tuntuinium la voz de arutam, nui aents yajauch enentaijiai iniankainiakui, aintsan agustin wachapa michanunkanam sepunam enkemas aujmattsamun, iniankasaru asamtai juu tuntuinkia atainiarai yamai tsawamunam.

Juka suntaran mawarmania nui, nuya aentsun tsenken suntaran tukurarmania nui juarnakuiti 14 de diciembre 2016 campamento panantza, tura yamai jimiara suntaran uukma pujuiniamunan, nuamteik ipiamaki chicham emesmaktin enentaijiai juki wenakui mash morona santiak tepakmanum, nui tuntui Arutam chichame tsupiniakai.

Uwi 21 de diciembre shuara uuntri agustin wachapa sepunam jukimiu yajauch juakmai, ipiamamu etserman iniankasru asamtai, tura inkisant mutsukenisha juka facebook tamanum etsereamu asamtai, nui fiscalía seammiajai nuka tuntui jusamu ati tusa aujmatsamu chicham iniankarma nekamu ainti tusa aitkiamuiti, nui yaa pachinkiarma juka 80 suntar, nuya uunt aneikiamu fiscal pachintkiaiti nuka enentaimiamu chichakma ainti tusar, takat umiamunan 30 shuar emesmakarai machitjei, nankijei, kaya nuya jirujai maniniak nui manentiu suntaran nuya menentiu kunkuimian emesrarai itiurchat, turamtai chikichik shuaran achikiar jukiarai sepunam.

Nuna itiurchat ajamun ekuatura uuntri neka, juka aents nekachma juyanchu jui morona santiak tepakmanum pujusar aitkiainiawai tusá tuu chichakai.